1512-08-22

Gaztelako armada Lizarran sartu zen. Lizarra Nafarroako Erresumaren defentsa gune garrantzitsua izan zen 1200eko eta 1463ko Gaztelaren inbasioen ostean. 1512ko honetan, ordea, hiri nafarrak bata bestearen atzetik erortzen ari ziren, eta gaztelarrei ateak zabaltzea beste erremediorik ez zuten izan, arpilaketa eta suntsika mehatxuen aurrean. Okupazio indarren gehiegikeriak medio, hainbat istilu izan zituzten lizarratarrek hurrengo hilabeteetan.

• Iturria: argia