GaurkoanZer?

Gaurko efemerideak

Xabier Benitoren jaiotza

1988-05-23

Xabier Benito jaio zen Bilbon.

Mari Jose Urruzolaren jaiotza

1940-05-23

Mari Jose Urruzola jaio zen Irunen.

Xabier Elosegiren jaiotza

1937-05-23

Xabier Elosegi jaio zen Tolosan.

Bizkaiko Gobernu Zibilaren egoitzan behiak sartzen saiatu ziren abeltzain bizkaitarrak

1991-05-23

Bizkaiko Gobernu Zibilaren egoitzan behiak sartzen saiatu ziren abeltzain bizkaitarrak. EHNEko kideak ziren eta esne eta haragiaren truke ordaintzen zizkieten prezio baxuen aurkako protesta zen. Poliziak borrakadaka hasi eta gomazko pilotak jaurtiz amaitu zuen pertsona eta animalien aurka. Aurreko egunean Donostian eta Iruñean, ehunka litro esne bota zituzten lurrera eta haragi xerrak banatu zituzten euskal baserritarrek.

Guardia Zibilak Koldo Arriola gaztea hil zuen Ondarroako kuartelean

1975-05-23

Guardia Zibilak 19 urteko Koldo Arriola hil zuen Ondarroako kuartelean. Salbuespen egoera ezarria zuen Espainiako Gobernuak. Arriola beste bi lagunekin zihoan guardia zibil batek kuartelera sartzeko esan zionean. Lagunak kanpoaldean zain geratu zirela, tiro hotsa aditu zuten. Arriola bularrean tirokatuta atera eta hilda erori zen. Bertsio ofizialaren arabera, guardiari ustekabean egin zion tiro armak, Arriolak berari "eraso" egin zionean. Ez zuen ia inork sinetsi.

PDFan irakur daiteke Koldo Arriolari buruzko 'Ondo lotutako hilketa baten istorio beltza bezain sakona' liburua, Imanol Oruemazaga Basetaren eskutik.

Itoizek Hilzori II kantua eskaini zion, ikaskide baitzuten 'Bitxu' Arriola.