Sebastián de la Quadra y Llarena (Muskiz, 1687ko urtarrilaren 19a - Madril, 1766ko apirilaren 23a), Espainiako Handikia eta lehendabiziko Villariaseko markesa (1745-1759) zen. Espainiako Felipe V.aren garaian, Lehenengo Estatu-Idazkaria zen 1734ko azaroaren 26tik 1746ko abenduaren 4ra, José de Patiño y Rosalesen ordez. 1741tik Justizia idazkaria ere bazen. Muskizen jaioa, bertako alkatea zen 1719ko urtarrilaren 6tik. 1744an, San Fernandoko Arte Ederretako Akademia Erreala eratzera lagundu zuen.

Argazkia: © Manuel Salvador Carmona-Biblioteca Nacional de España / Wikimedia Commons / CC BY-SA 4.0