Igor Astarloa Askasibar (Ermua, 1976ko martxoaren 29a - ) bizkaitar txirrindulari ohia da. Afizionatu mailan, Baque taldean izan zen. 2000. urtean txirrindulari profesional bihurtu zen, Mercatone Uno taldearekin. Klasikomano aparta da, 2003. urtean errepideko txirrindularitzako munduko txapelketa irabazi baitzuen. 2008ko maiatzaren 29an Team Milram taldeko arduradunek bere taldetik kanporatu zuten.