Denis Itxaso Gonzalez (Donostia, 1975eko maiatzaren 29a - ) PSE-EE alderdiko donostiar politikaria da. Politika Zientzietan lizentziatu zen EHUn 1998 urtean. Urte berean, PSE-EE alderdian sartu eta geroztik Donostiako Udaleko zinegotzi jardun izan du, kultura, mugikortasun eta ingurumen gaietan. 2015eko ekainaren 24etik Gipuzkoako Kultura, Turismoa, Gazteria eta Kiroletako Foru Diputatua da, EAJ-PSE koalizio gobernuan. 2020an Espainiako Gobernuak Euskal Autonomia Erkidegoan duen ordezkari izendatu zuten, Jesús Loza ordezkatuz.