Eugenio Llaguno Amirola (Menagarai, Aiara, 1724ko urriaren 15a - Madril, 1799ko otsailaren 10a) arabar politikari eta idazlea izan zen. Aita Juan Andrés Llaguno Fernández de Jauregi arkitektoa izan zuen. 1743 inguruan Madrilen zegoen Agustín Montiano Luiando bere osabaren babespean. Karlos III.a Espainiakoaren garaian Justizia idazkaria (ministroaren baliokidea) izan zen. 1754an jaioterriko alkatea izan zen eta 1758an Santiagoko zalduna. 1799an pneumonia batek jota hil zen. Euskalerriaren Adiskideen Elkartearen kidea, 1775an Cantar de mio Ciden eskuizkribua topatu zuen eta argitaratzea lortu zuen. Jean Racineren Athalie gaztelaniara itzuli zuen. Noticias de los arquitectos y arquitectura de España desde su restauración idatzi zuen.